Artikel mbahas wawancara antara manager SDM sing rodo edan karo para pelamar gawean ning salah satu kantor swasta ing kota Purwokerto. kemungkinan manager SDM iki bar di tinggal mlayu bojone amergo seneng selingkuh. Tenanne piye aku dewe yo rak reti mergo aku nemu artikel iki seko internet lan wis lawas banget...
Mangga-mangga dipun kedapi....
+ Kowé bisa main internet?
- mBoten.
+ Kowé ora ketampa.
- Sebabipun?
+ Perusahaan ora nampa sing isih buta internet.
- Wah, sakjanipun nggih saged.
+ Tambah ora ketampa.
- Lho, lha kok?
+ Mesthi ora bakal nyambut gawé, kakèhan dolanan internet!
+ Kowé mau mréné numpak apa?
- Numpak mobil.
+ Kowé ora ketampa.
- Sebabipun?
+ Saiki BBM mundhak terus, mengko kowé bakal njaluk mundhak bayar terus.
- Woo, kula wau namung mboncèng, kok.
+ Tambah ora ketampa.
- Lho, lha kok?
+ Mengko mung gawéné mboncèng mobil kantor. Ngrusuhi!
+ Kowé wis lulus sarjana tenan?
- Sampun Pak...
+ Ora ketampa. Kéné iki golèk sing SMA waé, luwih manutan lan bèn mbayaré murah.
- Sakjanipun kula tasih badhé skripsi.
+ Malah ora ketampa...
- Lho kados pundi ta?
+ Mengko kowé kerja mung ngetik skripsi, nèk wis lulus mesti golèk kerja nèng perusahaan liya.
+ Kowé duwé motor apa ora?
- Mboten.
+ Ora ketampa.
- Lho kok mboten ketampa?
+ Mengko kowé mesthi njaluk bantuan krédit.
- Sakjanipun gadhah, ning tasih ten kampung; gampil mangké kula beta mriki.
+ Wah malah ra ketampa...
- Lho kok ngaten?
+ Papan parkirané wis ora cukup.
+ Kowé duwé omah apa ora?
- Dèrèng...
+ Wah kowé ora bisa ditampa nèng kéné.
- Lho kok ngaten?
+ Mengko kowé mesthi bakal ngajokké utang karo perusahaan.
- Ah.. mboten kok, sakjatosipun tiyang sepuh kula sampun sugih.
+ Ya malah ora ketampa.
- Lho kok ngaten?
+ Mengko kowé kerja mung kanggo hiburan, nongkrang-nongkrong waé.
+ Kowé seneng guyon apa ora?
- Mboten pak, kula serius yèn nyambut damel.
+ Ra ketampa...
- Waa... Kok ngaten?
+ Mengko kanca-kancamu lan anak buahmu padha stress.
- Sakjané nggih sekedhik-sekedhik seneng guyon.
+ Malah ora ketampa.
- Lho kok...
+ Mengko kowé mung bakal chating sing lucu-lucu.
+ Anakmu akèh apa sithik?
- Kathah, Pak.
+ Kowé ora ketampa.
- Sebabipun?
+ Nyambut gawému ora jenjem, mung mikir gawé uanaaaaaak terus.
- Lha wong namung anak adopsi, kok.
+ Tambah ora ketampa.
- Lho, lha kok?
+ Gawé anak baé aras-arasen, apa manèh nyambut gawé.
+ Kowé wis ngerti gawéyanmu durung?
- Dèrèng.
+ Kowé ora ketampa.
- Sebabipun?
+ Arep nyambut gawé kok ora ngerti gawéyané.
- Oo, yèn pedamelan niku kula sampun ngertos kok.
+ Tambah ora ketampa.
- Lho, lha kok?
+ Kowé rak mung arep keminter, ta?
+ Kowé ngerti kahanan kantor kéné durung?
- Dèrèng.
+ Kowé ora ketampa.
- Sebabipun?
+ Arep nyambut gawé kok ora ngerti kantoré?
- Wah, nggih sekedhik-sekedhik sampun ngertos kok.
+ Tambah ora ketampa.
- Lho, lha kok?
+ Mengko kowé senengané bakal ngudhal-udhal wewadi kantor!
+ Kowé kerep lara?
- Mboten.
+ Kowé ora ketampa.
- Sebabipun?
+ Mesthi kerep mbolos, wong arang-arang gering.
- Wah, sakjanipun nggih asring.
+ Tambah ora ketampa.
- Lho, lha kok?
+ Kantor iki ora nampa karyawan pileren.
+ Kowé waras apa ora?
- Lha, kula nggih waras to Pak.
+ Ra ketampa.
- Kénging napa?
+ Mengko kowé mesthi ora krasan nèng kéné.
- Niku rumiyin Pak, sakmenika sampun radi édan.
+ Malah ra ketampa.
- Pripun ta niki?
+ Mengko aku duwé saingan.
- Huahahahaha! !!
Have a nice day
.png){kind=logo}
